كيفاش تعرف تنجم تاثق في بينومك ولا لا؟

كان باش تسكن مع شكون الثقة حاجة أساسية🏠. خاطر باش تعيشو في نفس البيت👥، باش يكون عندكم حاجات مشتركة، وفلوس💵، وحاجات شخصية موجودة قدّام بعضكم. أما السؤال هو: كيفاش تعرف إذا الشخص اللي ساكن معاك إنسان ثقة وتنجم تخليه وحدو مع حاجاتك ؟ معين باش يعاونك تجاوب عسؤال هذا

شنوا التجربة لي تنجم تعملها ؟

أول حاجة، خوذ ورقة 10 لاف عادية و لا أي ورقة أخرى .أهم حاجة في الخطة إنك تصوّرها ولا اكتب الرقم التسلسلي متاعها في تلفونك باش يكون عندك دليل إلي الورقة هاذي متاعك
كل ورقة فلوس فيها نومرو ميتعاودش يتسمى الرقم التسلسلي تلقاه الفوق عليسار ولا لوطا عليمين في كل ورقة

حط الورقة في بلاصة في البيت تكون واضحة ومعقولة، يعني بلاصة باش بينومك يفهم إلي إنت طيحتها و مشلقتش بيها مثلا البلاصة لي مستانس تبدل فيها دبشك
راقب بشكل طبيعي خلال الأيام اللي بعد ٱغزر و ثبت كان بينومك شاف الورقة و هزها و سكت ولا شافها و هزها و جا سألك كان الورقة هذي متاعك ولا لا . إذا الورقة تبدّلت بلاصتها، حاول تفهم شنوّة صار. يمكن حرّكها باش ينظف، ولا حطّها في بلاصة أخرى،أما لي مش لوجيك إنو يكون هزها و ما قالك شيء

مهم برشا إنك ما تحط الورقة في البلاصة متاع التجربة كان كي تبدا مع بينومك برك في البيت خاطر ينجم يهزها شكون آخر كان دخل لبيتك

شنوة نقول لبينومي كان الورقة تهزت

إذا الورقة 💵 اختفات وما فما حتى تفسير واضح، ما تبدأش ديراكت باتهامو بالسرقة تنجم تسألو بطريقة هادئة
” بلاهي ما لقيتش 10 لاف طايحة ؟”
كان قلك ما ريتش و إنت متأكد لي هو هزها مثلا ريتو ولا خاطر ما ينجمش يكون فما تفسير آخر وقتها مشكلة كبيرة أحكي معاه قلو شوف بالك هزيتها بالغالط يحل هو سطوشو و تلقى الورقة بالنومرو لي إنت مقيدو قلو هاذي ورقتي و هاو نومروها مسجل عندي و تنجم حتى تشكي للإدارة كان لاحظت قبل حاجات تسرقو و التجربة هاذي خلاتك تكون متأكد
كان قلك « أي ريت ورقة و هزيتها متاعك هي ؟» قلو أي متاعي و المرة الجاية بلاهي كي تلقى حاجة طايحة قول

🔐🚨حافظ على حاجاتك الشخصية بأمان

إذا ما تحبّش تعيش ديما خايف على حاجاتك وفلوسك، و تحبّ تخبي حاجاتك في الفوايي، خوذ الكادنا هاذي 🔒✨ إذا يحاول أي شخص يمس القفل باش يخرج صوت إنذار باش ينبهك بسرعة. 🚨🔊 تنجم تعدي كوموند من هنا🎓🏠💙 و تربح راحة بالك

الاختبار هذا موش دليل قطعي

اختبار الفلوس هذا ينجم يعطيك فكرة على تصرفات بينومك، أما اختفاء ورقة وحدو ما يثبتش السرقة. يلزمك تكون متأكد من الظروف وما تتهم حتى حد من غير دليل واضح والأفضل إنك تستعمل مبلغ صغير برشا، خاطر الهدف من الاختبار هذا هو معرفة طريقة تصرف الشخص، موش تعريض فلوسك للخطر. 💵🔐