Our Services
كل خدمة أو وسيلة تعاونك باش تتشجع تقرى و تركّز أكثر موفرينها في السيت متاعنا .الخدمات الموجودة عاونت برشا طلبة ناجحين و متميزين عالميا كيما الطلبة في هارفرد و أوكسفورد.وسائل بسيطة و ساهلة أما عندها دور كبير في تشجيع الطلبة و تحفيزهم.السر هو انك ديما تقرا بتركيز،أهدافك واضحة و أهم حاجة تقرا عامل جو
Pomodoro Timers
البومودورو تكنيك تعاون برشا الطلبة باش يركزوا أكثر و يلقاو دافع للمراجعة. الفكرة بسيطة: تقرا 25 دقيقة بتركيز، وبعد ترتاح 5 دقايق. هكّا، مخّك ما يتعبش وتلقى روحك ديما متشجع باش تكمّل. الطريقة هاذي تعلّمك كيفاش تنظّم وقتك، تنحي البخل و تبدا وقت التايمر يبدا. وبالراحة الصغيرة بين كل دورة، مخّك يلقى فرصة يرتاح وهاكا يولي عندك تركيز أقوى مع كل مرّة ترجع تقرا
To Do Lists
التودو ليست هي الطريقة الوحيدة إلّي تنجم إتبّع بيها شنوة لازمك تعمل و شنوا كملت من دروس . الليستة هاذي تعاونك تتذكر شنوة الخدمة لي لازمك تعملها و قداه من تاسك كملتها. مغير تو دو ليست باش تكون متشتت ماتعراش شنوة كملت قريت و شنوة مازالك. نوفرولكم أكثر من تو دو ليست ، أكثر من ديزاين آيستاتك يشرهك على القراية
Study Streak
الستريك هذا يحسبلك قداش من نهار قريت مغير ما تقص. كل ما تحل السيت كونفيرمي إنك قريت، و هكا تزيد في الستريك متاعك، وهذا يعطيك شعور كبير بالإنجاز ويخليك تحس روحك ماشي في الطريق صحيح. الستريك يولّي كيما لعبة و تشالنج ضدّ روحك: كل ما تزيد يوم، تولي أصعب عليك تكسر السلسلة، وهكّا تلقى روحك تقرا أكثر مالعادة من غير ما تحس
Study with me videos gallery
أكبر مشكلة يعاني منها الطالب إنّو يفد كي يحل باش يقرى. الحل هو الفيديوات ستادي ويذ مي إلّي تحطك في المود و تخليك تقرى و متحسش بالوقت يتعادا. في اللخر تلقى روحك قريت بالباهي و هذا كل خاطرك محسيتش بالوحدة و الفدّة و تشوف في شكون قدامك يقرى
Taleb Coffee Shop
نوفرولك تجربة القهوة الإفتراضية ،لكل الطلبة إلي تركيزهم يكون خير في أجواء القهوة مع الغناء و الأصوات الهادئة و فيديوات يخليوك تعيش التجربة كاينك في قهوة بالرسمي. الإنجاز متاعك يكون خير برشا كي تبدا في قهوة و تعيش التجربة في المود أذاكا
Studying games
الدروس الطويلة و المعلومات الصعيبة ترجع أسئلة و أجوبة بسيطة كيما اللعبة . الحاجة هاذي تخلي المخ يتفاعل أكثر والذاكرة تخزّن المعلومات بطريقة طبيعية، خاطر اللعب يخلّي الدماغ يركز ويستمتع في نفس الوقت. حتى الحاجات الصعيبة تولي أسهل للفهم وقتلي تتحط في سياق لعب، وتولي قادر تراجع بسرعة وتسترجع المعلومة بلا تعب كبير. هكا القراية تولي أكثر فعالية والمعلومة تبقى معاك مدة أطول
Taleb Calendar
من أهم الوسائل إلي تعاون الطالب في تنظيم وقتو بطريقة سهلة وفعّالة . تنجم تزيد عليها مواعيد الإمتحانات أو أحداث أخرى مهمة باش متنساهمش ، تنجم تبدلهم أو تمحيهم في أي وقت. هكا تخطط أسبوعك أوشهرك وتكون ديما منظّم ومركز في قرايتك
Study challenge wheel
كل ما تحس بروحك باخل و معينكش في قراية جرب دور العجلة متع التشالنجز و يجيك تشالنج تعملو يحفزك و يشجعك و يعطيك شعور الإنجاز و هكا تلقا روحك تقرى و انت عامل جو. الإنجاز و التحفيز يجيو مالحاجات الصغار البسيطة إلي تعملهم. التشالنج هذا عبارة على تحدي بيناتك و بينات روحك و الهدف متاعو إنّو يشجعك
Taleb flipclock
الفليبكلوك هي منڤالة آيستاتك توريك الوقت. الفكرة بسيطة أمّا برشة طلبة تشجعهم في إنهم يقراو و يركزو أكثر . إنك تخلي الوقت قدامك يعاونك في تنظيم الحاجات لي باش تعملهم ، كيما يحفزك إنك تنجز أكثر. برشا طلبة يقولو إنو الفليبكلوك تحسسهم إلي الوقت قاعد يمشي و هذا يخليهم يقراو باش يحسو إنو الوقت ممشاش هكاكا
Study Timer
مفماش حاجة تشجعك أكثر من قداش من ساعة قريت. الستادي تايمر هذا تبداه وقت تبدا تقرى و تسكرو كي تكمل، و هكا يحسبلك قداه من ساعة قريت و عدد الساعات هذا يموتيفيك باش تزيد تقرى و تحاول تكبر في الرقم هذا و توصل لهدف جديد كل مرّة
Ambient Sound Player
الساوند بلاير هذا يخليك تقرا عامل جو تسمع أي صوت تحب عليه باش تركز أكثر . برشا طلبة يحبو الجاز، فما إلي صوت المطر يخليه في المود، فما زادا إلي يركز أكثر كي يسمع أجواء قهوة أو مكتبة . الأصوات هذوما موجودين باش يخليوك تقرا و متفدش . جيب كيت مالا و شوف شنوة الصوت إلي يخليك عامل جو عل القراية
Mood Tracker
المود تراكر يعاون على إنك تفهم روحك أكثر، خاطر كي تقيد كل يوم شنوة مودك تولي تكتشف شنوة الحاجات الي تفسدلك ولا تحسنلك المود. مثلاً تنجم تفيق إلي وقت تبدا ناقص نوم ولا وقت تشرب برشة قهوة تولي منرفز، أمّا وقت تمشي تترانا ولا تخرج مع صحابك تحس روحك خير. هكاكا تولي تعرف شنية يلزمك تعمل باش تبقى ديما مرتاح و مركّز، خاصة في القراية و في وقت الامتحانات
Semester countdown
الكاونتداون متاع السميستر يموتيفيك و يخليك تنظم وقتك وتخلي القراية متاعك واضحة قدّامك. كي تشوف النهارات كيفاش تنقص، تحس روحك لازمك تزيد تركّز وتخدم باش ما تتراكمش عليك القراية و الدروس. يعاونك زادا تقسّم المواد والشابيتروات على قداش بقا من وقت، ماغير ما تدخل في ستراس آخر لحظة. ومع الوقت تولي تخدم خطوة بخطوة، وتلقى روحك محضّر مليح وقت الامتحانات
Weekly Study Hours
الويكلي ستادي آورس تعطي برشة موتيفاسيون للطلبة خاطر تخليهم يعرفوا بالضبط قداش وقت قاعدين يستثمروا فيه في القراية كل جمعة . كي تشوف الرقم مكتوب قدّامك، تولي تحس روحك لازم تزيد تخدم بش توصل للهدف متاعك ولا حتى تكسر الرقم متاع الأسبوع إلي فات. هكا تولي القراية كيما اللعبة، كل مرة تحاول تعمل أحسن من قبل. وكل مرة توصل للعدد متاع الساعات إلي حددتو، تحس بإنجاز صغير يشجعك بش تكمل. ومع الوقت، الإنجازات هاذي تخليك تولي أكثر انضباط وتحس روحك قادر تقرا أكثر وبراحة، بلا ما تحس إلي القراية عبء ثقيل
Masrouf Tracker
المصروف تراكر حاجة مهمة للطلبة يعاونهم يعرفوا بالضبط وين مشات فلوسهم ويشوفوا المصاريف اليومية والأسبوعية. كي تشوف الحاجات لي صرفت عليهم قدامك، تولي تعرف فلوسك وين مشاو بالضبط ، تنظم روحك و تبعد عل المصروف الزايد. يعطيك فكرة زادا باش تقسّم المصاريف بين الكراء، الماكلة، الكتب وحتى القهوة ولا الخروج مع الصحاب. ومع الوقت، البودجيت تراكر ينقصلك التوتر على الفلوس و المصروف و يخليك مركز على القراية، وفي نفس الوقت يعاونك باش تاخذ قرارات مالية صحيحة وتخطط لمستقبلك
عندك منتوج ولا خدمة تنجم تفيد الطالب ؟
💰تواصل معانا واعطينا كيفاه تنجم تفيد الطالب وبالطبيعة عندك الجزء المهم من المرابيح
📩 ابعثلنا الفكرة وخلي الباقي علينا