الكافيين اللي في القهوة يلعب دور كبير برشة في التركيز، وهاو كيفاش

أول حاجة يبعد عليك النوم : الكافيين يبلوكي مستقبلات “الأدينوزين” في المخ، الأدينوزين هاذي مادة كيميائية طبيعية تتكوّن في الدماغ مع مرور الوقت و هي إلي تخلّيك تحس بالتعب ،كي تشرب كاس قهوة الكافيين ميخليش الأدينوزين يخدم خدمتو و يأدي وظيفتو

يزيد في التركيز: يعاون في إفراز “الدوبامين” وهي مادة كيميائية تعطي إحساس بالتحفيز والنشاط، وهكا المخ يخدم بطريقة أسرع و تلقى روحك مركّز 

يحسّن الذاكرة قصيرة المدى: القهوة قبل المراجعة تعاون المخ يخزَن المعلومات بشكل أحسن في الوقت القصير

ينشّط الجسم: يزيد ضغط الدم شوية ويعطي إحساس بالطاقة، وهاذا يخليك أقل كسل وأكثر إنتاجية

يعاون في تحسين المزاج: ساعات كي تكون متقلّق من القراية، قهوة صغيرة تحسّنلك المود وتخليك تخدم وأنت مرتاح

أما رد بالك 📢❗🚨 لازم الكمية تكون معقولة،برشة كافيين يعني أضرار و مخاطركيما التوتر والأرق و الإدمان