إذا كنت طالب وتسكن في فوايي و ترجع للدار في وقت متأخر، السلامة الشخصية حاجة مهمّة خاصة كي تبدى تقرى في بلاصة فيها براكاجات. بخاخ الفلفل أو البيبر سبراي هو وسيلة للدفاع على النفس أما ميبيعوش فيها في تونس هذاكا علاه باش يعلمك معين كيفاش تصنعها و باش يعطيك الوصفة لي باش تنقذك من ولاد الحرام
أول حاجة تستحق سبراير قوي
لازمك حاجة المدى متاعها باهي و تخرج الخلطة السحرية متاعنا بالقوي و فيسع باش تنجم تضر بيها إلي باش يبراكيك ولا إلي يمد فيديه و يحب يت*حرش بيك و معين يقترح عليك الدبوزة هاذي جربها و المدى متاعها باهي دبوزة جافال جال تلقاها في الحوانت ولا في عزيزة ولا كارفور
الحاجة الباهية زادا إنو فيها جافال و باش نستحقو جافال في الخلطة متاعنا و الأحسن إنك تنجم تحطها في الساك متاعك و حد ما ينجم يشك فيها خاطر باش تظهر إلي إنت تو كي خذيتها مل حانوت و مروح لدارك
تنجم تختار أي سبراير آخر لموفيد تكون فشفاشة قوية
الخلطة و الوصفة السرية
باش نستحقو خل، فلفل أحمر حار ، فلفل أكحل ، زيت ، فلفل أحمر بالزريعة متاعو و جافال
قبل كل شي إلبس ڨواندوات و رد بالك تحك عينيك بالغالط
مفماش مقادير معينة خلط المكونات الكل لموفيد حط برشا فلفل و تنجم تعوض الجافال بالألكول مل فارماسي أما رد بالك تحطهم الزوز جافال و ألكول خاطر يخرج غازات خطيرة
بعد ما تخلط كل شي و تزيد الخل و الزيت و الفلفل فيلتري الخلطة متاعك بالصفاية ولا حتى بابيي
ربي يلطف بيكم و يبعد عليكم البراكاجات و ولاد الحرام
اللّه غالب برشا بلايص ناقص فيهم الأمن و الخلطة هاذي ماهي إلا وسيلة دفاع عن النفس
هذا فيديو يوتيوب يوضح أكثر أعمل طلّة
